ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន នឹងជួបសំណេះសំណាលជាមួយថ្នាក់ដឹកនាំ និងអ្នកសារព័ត៌មានចំនួន ១៥១នាក់នៅវិមានសន្ដិភាព ល្ងាចថ្ងៃទី១៤ ខែសីហា ឆ្នាំ២០២៣នេះ។
ជំនួបនេះធ្វើឡើងបន្ទាប់ពីសម្ដេចបង្ហើបថា សម្ដេចនឹងចំណាយពេលមួយដើម្បីសំណេះសំណាល និងផ្ដល់គ្រឿងឥស្សរិយយសដល់ក្រុមអ្នកសារព័ត៌មានដែលតាមសម្ដេចកាលពីកន្លងទៅ។ បន្ទាប់ពីជំនួបសំណេះសំណាលសម្ដេចតេជោក៏ផ្ដល់កិត្តិយសពិសារអាហារល្ងាចជាមួយអ្នកសារព័ត៌មានទាំងអស់ផងដែរ។
សម្ដេចតេជោនឹងលាលែងតំណែងជានាយករដ្ឋមន្ត្រី នៅថ្ងៃទី២២ ខែសីហា ខាងមុខ ដោយផ្ដល់ឱកាសដល់លោកកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី អាណ្តិតទី៧ បន្ត។ សម្ដេចតេជោបានប្រកាសថា ការលាលែងតំណែងសម្ដេចជានាយករដ្ឋមន្ត្រីគឺដើម្បីស្ថេរភាព សន្ដិភាព និងការបន្តរីកចម្រើនរបស់កម្ពុជា៕
ព័ត៌មានជាច្រើនទៀតសម្រាប់អ្នក
